136 կիլոգրամ քաշ ունեցող ամերիկուհին կիսով չափ նիհարել է ու պատմել իր հաջողության գաղտնիքը: Այս մասին հաղորդում է Daily Mail-ը:

Ամերիկյան Կոլորադո նահանգի բնակչուհի, 31-ամյա Միխաելա Միլլերը 68 կիլոգրամով նիհարել է: 25 տարեկանում ունեցած ծանր ալերգիայից հետո, որը նա սկզբում շփոթել է սրտի կաթվածի հետ, աղջիկը որոշել է փոխել իր կյանքը:

Միլլերի մոտ ճարպակալումը սկսվել է դեռևս մանկուց: Ծնողները փորձել են խստորեն վերահսկել դստերը, բայց դրանով իրավիճակն ավելի են վատթարացրել: 25 տարեկանում աղջկա քաշը 136 կգ-ի է հասել:

Ալերգիայից հետո ամերիկուհին սկսել է տարբեր դիետաներ փորձել և «սրտի շունտավորման» վիրահատություն արել:

Վիրահատությունից հետո Միլլերը սկսեց նիհարել և որոշեց զբաղվել սպորտով և կարգավորել իր սննդակարգը:

Այժմ Միխաելան 68 կիլոգրամ է և ակտիվ կենսակերպ է վարում: Նա նշում է, որ իր հիմնական գաղտնիքը շարժումն է:

Ամերիկուհին խորհուրդ է տալիս առօրյա կյանքում ավելացնել շարժումը: Նա կարծում է, որ շարժումն ուղղորդում է մարդկանց դեպի ճիշտ սնունդը:

Միլլերը նաև խորհուրդ է տալիս կենտրոնանալ առողջության և լավ ինքնազգացողության վրա, այլ ոչ թե քաշի կորստի:

273